Keflavík tryggði sér Pepsi-deildar sæti með stórsigri á Hömrunum í Inkasso-deild kvenna fyrr í kvöld. Keflvíkingar sem hafa stefnt statt og stöðugt að sæti í deild þeirra bestu kláruðu dæmið með stórsigri. Lögðu Hamrana 5-0 á heimavelli.
Keflavík 5-0 Hamrarnir
1-0 Mairead Clare Fulton ('8)
2-0 Mairead Clare Fulton ('40)
3-0 Sophie Groff ('65)
4-0 Arna Sól Sævarsdóttir ('72, sjálfsmark)
5-0 Natasha Moraa Anasi ('74)
Það var ljóst frá fyrstu mínútu í hvað stefndi og aðeins 8 mínútur komnar á klukkuna þegar Mairead Clare Fulton skoraði fyrsta mark leiksins. Hún var aftur á ferðinni rúmum hálftíma síðar og heimakonur fóru með 2-0 forystu inn í hálfleik.
Yfirburðir Keflavíkur héldu áfram í síðari hálfleik og Sophie Groff bætti þriðja markinu við eftir rúmlega klukkutíma leik. Stuttu síðar varð Arna Sól Sævarsdóttir, leikmaður Hamranna, fyrir því óláni að setja boltann í eigið netið.
Keflavíkurkonur voru ekki hættar og það var við hæfi að markahæsti leikmaður þeirra, Natasha Moraa Anasi, skoraði fimmta og síðasta mark þeirra í sannfærandi 5-0 sigri.
Flugeldasýningin hélt áfram þegar flautað var af en flugeldum var skotið upp á Nettó-vellinum eftir leik og heimakonur fögnuðu innilega enda þýða úrslitin að Keflavík hefur endanlega tryggt sér sæti í Pepsi-deildinni að ári.
Hamrarnir eru hinsvegar í vondri stöðu í næstneðsta sæti og þurfa að treysta á að Afturelding/Fram tapi tveimur síðustu leikjum sínum til að eiga möguleika á að bjarga sér frá falli með sigri í lokaumferðinni.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir