Íslenska landsliðið mætir gífurlega sterku landsliði Belgíu í Þjóðadeildinni á Laugardalsvelli á morgun. Liðið hefur ekki tapað keppnisleik á heimavelli í rúm fimm ár. Þetta kemur fram á vef Mbl.is.
Síðasta landslið til að vinna Ísland í keppnisleik á Laugardalsvelli var Slóvenía. Slóvenar sigruðu Íslendinga 4-2 í júní 2013.
Liðið hefur spilað tólf keppnisleiki síðan þá, sigrað tíu þeirra og gert tvö jafntefli.
Ísland hefur sigrað landslið á borð við Holland, Króatíu, Tékkland og Tyrkland á heimavelli síðan liðið tapaði síðast í keppnisleik á Laugardalsvelli.
Athugasemdir
