Lestu um leikinn: Fjölnir 2 -  1 ÍBV

Báðir markteigarnir á Extra vellinum, heimavelli Fjölnis - þar sem leikurinn fór fram, litu hræðilega út úr fjarlægð og kenndi Ásmundur ástandi vallarins frekar um fyrsta markið heldur en Sigurjóni markverði.

„Við fáum á okkur algjört slysamark í byrjun sem að helgast að drullumalli í markteignum," sagði Ási.

Ertu svekktur við Sigurjón í því marki?

„Nei, völlurinn er bara... Þú ættir að labba þarna út á, þetta er bara grín."

Hvað veldur?

„Ja, við erum búnir að bíða eftir götun á völlinn í nokkrar vikur. Við fáum það ekki frá borginni þannig að völlurinn er bara mjög erfiður, hann er þungur og sleypur og þarna inn í markteig er hann eiginlega bara ónýtur," sagði Ási.

Við fréttina má sjá myndir af markteig á Extra vellinum sem Hafliði Breiðfjörð tók í dag.