„Ég elska viðtöl, það er það skemmtilegasta sem ég geri," grínaðist Axel Óskar Andrésson þegar Fótbolti.net ræddi við hann á æfingu U21 landsliðsins í gær en hann hafði verið að sniglast í kringum fjölmiðlamenn til að minna á sig og fékk að lokum viðtal.
Liðið mætir Norður Írlandi í undankeppni EM næstkomandi fimmtudag á Fylkisvelli en þegar er ljóst að Ísland á ekki séns í riðlinum.
„Þeir eru fyrir ofan okkur og eru ennþá í séns. Það er því ekkert annað í stöðunni en að stríða þeim. Að mínu mati erum við með mikið betra lið en þeir og verðum að sýna það og sanna. Við erum með ungt lið og frábært að geta sýnt okkur og sannað og fengið reynslu fyrir næsta mót."
Jón Dagur Þorsteinsson og Albert Guðmundsson missa af leiknum því þeir verða með A-landsliðinu í Frakklandi sama kvöld.
„Þetta eru frábærir leikmenn sem stjórna öllu frammi hjá okkur. Þeir eru með þvílík gæði og þægilegt að finna þá í fætur. Þá er fyrir næstu leikmenn að stíga upp og sýna hvað þeir geta."
Liðið mætir Spánverjum á þriðjudaginn og þá má búast við erfiðum leik.
„Síðast þegar við kepptum á móti þeim voru þeir 83% með boltann en viðspiluðum frábæran leik og töpuðum bara 1-0. Við getum alveg strítt þeim, þetta er reyndar á gervigrasi. Ég hefði viljað finna kartöflugarð í Hvalfirði og gefa langan fram og vinna seinni. Þeir mæta í -1 eina gráða og ekki með bros á vör!"
Nánar er rætt við Axel í sjónvarpinu að ofan.
Athugasemdir