Ivan Juric tekur við liðinu í hans stað, en þetta er í þriðja sinn á þremur árum sem Juric tekur við Genoa.

Í þetta sinn koma þjálfaraskiptin nokkuð á óvart enda hefur Genoa byrjað þokkalega vel í Serie A án þess að vera með leikmannahóp uppá marga fiska.

Pólski sóknarmaðurinn Krzysztof Piatek er þó helsta ástæðan fyrir þessari byrjun, en liðið er með 12 stig eftir 7 umferðir og er Piatek búinn að gera 9 af 12 mörkum liðsins.

Til gamans má geta að Ballardini tók við Genoa í nóvember í fyrra eftir að Juric var rekinn.