Bonucci yfirgaf Juve fyrir ári síðan eftir rifrildi við Massimiliano Allegri, þjálfara liðsins.

„Þegar maður er klár og þroskaður þá skilur maður ágreiningana eftir, tekst í hendur og horfir fram á veginn í átt að sama markmiði," sagði Bonucci.

„Að yfirgefa Juve var erfið ákvörðun tekin í reiði. Þessi reynsla hefur kennt mér að manns eigið innsæi getur leitt mann til þess að taka rangar ákvarðanir, sérstaklega þegar maður er reiður."

Bonucci er 31 árs gamall og er almennt talinn til bestu varnarmanna heims.