Þessi hollenski kantmaður hefur byrjað tvo leiki og komið þrisvar inn af bekknum fyrir Roma í Seria A eftir að hafa gengið til liðs við félagið fyrir 16 milljónir punda frá Ajax síðastliðið sumar. Kluivert sem er 19 ára gamall skoraði sitt fyrsta mark fyrir félagið í 5-0 sigri liðsins á Viktoria Plzen í Meistaradeild Evrópu.

„Ég myndi vilja spila fleiri leiki frá fyrstu mínútu og ég vona að það gerist oftar í framtíðinni. Núna get ég ekki kvartað. Mér finnst ég vera að vaxa mikið og líður vel hjá Roma. Ég er að reyna að brjótast í gegn, ég hef mikla trú á sjálfum mér og er tilbúinn að sýna hversu mikils virði ég er,” sagði Kluivert.

Kluivert var lengi vel orðaður við Manchester United í sumar en gekk á endanum til liðs við Roma frá Ajax. Faðir hans hafði mikið með félagsskiptin að gera en hann taldi son sinn vera í betri málum á Ítalíu en á Old Trafford.