Nú var að klárast æfing franska landsliðsins í Guingamp en heimsmeistararnir eru að búa sig undir vináttulandsleik gegn Íslandi sem fram fer annað kvöld, 19 að íslenskum tíma.

Blaise Matuidi, miðjumaður Juventus, æfði ekki með liðinu en nú hefur verið staðfest að hann mun ekki spila gegn Íslandi.

Matuidi skokkaði með sjúkraþjálfara meðan á æfingunni stóð.

Engin áhætta er tekin með Matuidi og vonast til þess að hann geti spilað gegn Þýskalandi í Þjóðadeildinni á þriðjudag.