banner
   mið 10. október 2018 13:30
Ingólfur Páll Ingólfsson
Saul hefur engan áhuga á Barcelona
Saul vill alls ekki fara til Real Madrid.
Saul vill alls ekki fara til Real Madrid.
Mynd: Getty Images
Saul Niguez hefur verið orðaður Barcelona og Real Madrid síðastliðið ár en segist sjálfur ekki hafa nein áform um að yfirgefa Atletico Madrid.

Saul kom upp í gegnum unglingastarfsemi Atletico og hefur komið sér vel fyrir sem lykilmaður í liði Diego Simeone. Þrátt fyrir að vera aðeins 23 ára gamall er þetta fimmta leiktíð Saul sem aðalliðsmaður og hefur verið sigursæll með liðinu undanfarin ár.

Leikmaðurinn hefur sagt félagsskipti til Real Madrid vera óhugsandi og þá er hann ekki spenntur fyrir Barcelona. Hann vill sjálfur enda ferilinn hjá uppeldisfélagi sínu og segir það ástæðu þess að hann skrifaði undir níu ára samning í fyrra.

Það eru mín plön, að vera hjá Atletico Madrid allt mitt líf en í heimsfótboltanum veistu það aldrei alveg. Fyrir mig, já ég vil enda ferilinn hér en kannski mun ég eiga nokkrar slæmar leiktíðir og þá munu þeir ekki elska mig lengur,” sagði Saul.
Athugasemdir
banner
banner
banner
banner