mið 10. október 2018 14:30
Ingólfur Páll Ingólfsson
Spilling í Belgíu - Lögreglan gerði húsleit hjá stærstu félögunum
Anderlecht er á meðal liða sem er til rannsóknar.
Anderlecht er á meðal liða sem er til rannsóknar.
Mynd: Getty Images
Anderlecht og Club Brugge eru á meðal félaga þar sem gerð var húsleit hjá af lögreglunni sem hluti af rannsókn á spillingu innan belgíska fótboltans.

Topplið í landinu, umboðsmenn og dómarar eru á lista hjá lögreglunni samkvæmt saksóknara þar í landi. Rannsóknin hófst árið 2017 í kjölfar tilkynningar frá deild innan lögreglunnar sem sérhæfir sig í spillingum innan íþrótta en deildin taldi eitthvað vafasamt vera í gangi í atvinnumannadeildum þar í landi.

Alls voru gerðar 44 húsleitir í Belgíu auk 13 annarra sem voru gerðar samtímis í Lúxemborg, Frakklandi, Kýpur, Svartfjallalandi, Serbíu og Makedóníu.

Telur lögreglan sig hafa gögn undir höndunum sem sýnir fram á að hagræðing úrslita hafi átt sér stað auk peningaþvættis. Anderlecht og Club Brugge sem spila bæði í meistaradeildinni á þessari leiktíð hafa gefið út yfirlýsingu og segjast ætla að aðstoða lögreglu við rannsókn málsins.
Athugasemdir
banner
banner
banner