„Þetta verður mjög erfiður leikur fyrir okkur en þetta er líka leikur þar sem við höfum engu að tapa. Allir búast við því að Frakkar sigri."

„Ef við erum raunhæfir þá ættu þeir að vinna. Þeir eru ca 40 sætum á undan okkur á heimslistanum. Eins og þið vitið þá gerast óvæntir hlutir í fótbolta. Ísland hefur aldrei unnið Frakkland en einhverntímann er allt fyrst. Kannski á morgun? Við sjáum til."

Meiðsli hafa sett strik í reikninginn í aðdraganda leiksins hjá báðum liðum en Aron Einar Gunnarsson, fyrirliði Íslands, er meðal annars fjarri góðu gamni.

„Bæði lið eiga við meiðsli að stríða. Því miður er það hluti af fótboltanum og við getum ekki gert mikið í því. Þjálfarar vilja alltaf hafa bestu leikmennina en við erum vanir þessu. Frakkar munu ekki breyta leikstíl sínum en það eru auðvitað breytingar á því hvaða einstaklingsgæði eru í liðinu. Þetta er það sama hjá okkur. Við reynum að spila eins fótbolta en það eru auðvitað breytingar á því hvaða leikmenn eru að spila," sagði Erik.

Allir leikmenn sem eru í íslenska hópnum eru heilir heilsu og klárir í slaginn á morgun. „Það æfðu allir á fullu í gær og ég reikna með því sama í dag. Maður veit aldrei hvað gerist en það eru engin meiðsli í augnablikinu," sagði Erik.