fös 10. nóvember 2017 13:30
Guðmundur Aðalsteinn Ásgeirsson
Morata: Auðvitað myndi ég fara aftur til Real Madrid
Mynd: Getty Images
Sóknarmaðurinn Alvaro Morata gæti vel hugsað sér að snúa aftur til Real Madrid í framtíðinni.

Morata yfirgaf Madrídinga í sumar og gekk í raðir Chelsea. Honum tókst aldrei að festa sæti sitt í byrjunarliði Real Madrid og var mikið á bekknum hjá þeim hvítklæddu.

Þrátt fyrir mikla bekkjarsetu í Madríd væri hann klárlega tilbúinn að fara aftur þangað.

„Auvitað myndi ég fara aftur til Real Madrid," sagði Morata í samtali við Cadena SER.

„Þegar ég er búinn að vinna allt með Chelsea og afreka mikið hér, þá gæti ég vel hugsað mér að snúa aftur."

„Það væri mjög erfitt að segja nei við Real Madrid. Ég hugsa samt ekki mikið um það þar sem ég er ánægður í London."
Athugasemdir
banner
banner
banner