Rússneski kantmaðurinn Andrey Arshavin er búinn að leggja skóna á hilluna, 37 ára að aldri.
Arshavin gerði garðinn frægan með Zenit og er goðsögn þar. Hann var keyptur til Arsenal eftir tíu ár hjá Zenit og gerði 31 mark í 144 leikjum á fjórum árum í London.
Hann skoraði 17 mörk í 75 landsleikjum fyrir Rússland en lagði landsliðsskóna á hilluna 31 árs gamall, þegar hann var enn leikmaður Arsenal.
Eftir dvöl sína hjá Arsenal fór Arshavin aftur til Zenit og þaðan til Kuban Krasnodar. Honum gekk ekki nógu vel í rússneska boltanum svo hann hélt til Kasakstan þar sem hann hefur verið lykilmaður hjá FC Kairat í toppbaráttunni.
Arshavin afrekaði margt en er eflaust frægastur fyrir fernuna sem hann skoraði í 4-4 jafntefli gegn Liverpool í apríl 2009, aðeins þremur mánuðum eftir komu sína til Arsenal.
Happy retirement mr Asharvin
— EMMANUEL ⚽️ FRIMPONG (@IAMFRIMPONG26) November 9, 2018
Playing alongside you was a joy
Hope one day we can have a strong Vodka together 👋🏿👋🏿👋🏿 pic.twitter.com/9c1jitknfk
Athugasemdir
