Halldór Orri Björnsson hefur skrifað undir nýjan tveggja ára samning við FH. Samningurinn gildir út tímabilið 2020.
FH sendi frá sér tilkynningu þess efnis í dag.
Halldór Orri er 31 árs gamall en hann hefur leikið með FH undanfarin tvö tímabil.
Hann spilaði 14 leiki í Pepsi-deildinni í sumar án þess að skora mark. Hann á enn eftir að skora mark fyrir FH í Pepsi-deildinni.
Halldór Orri er uppalinn hjá Stjörnunni og hefur leikið stærsta hluta síns ferils í Garðabænum. Hann hefur aðeins leikið með Stjörnunni og FH hér á landi en hann hefur einnig leikið með Falkenberg í Svíþjóð og SC Pfullendorf í Þýskalandi.
FH endaði í fimmta sæti Pepsi-deildarinnar á liðnu tímabili. Síðan tímabilinu lauk hafa Brynjar Ásgeir Guðmundsson og Guðmann Þórisson, tveir fyrrum leikmenn liðsins, samið við félagið. Nú er það ljóst að Halldór Orri verður áfram í herbúðum FH.
Gleðifréttir úr Kaplakrika. Halldór Orri Björnsson skrifaði í dag undir nýjan tveggja ára samning við FH sem gildir út tímabilið 2020. #ViðerumFH #fotboltinet pic.twitter.com/b2zXOKv0oH
— FHingar.net (@fhingar) November 10, 2018
Athugasemdir