Samuel Luckhurst, yfirskrifari um Manchester United fyrir staðarblaðið Manchester Evening News, segir frá því að Paul Pogba hafi ekki verið með liðsfélögum sínum í Manchester United á Lowry-hótelinu í dag.
Pogba er tæpur fyrir stórleikinn fyrir Manchester City á morgun en hann æfði ekki með liðinu í gær.
Leikmannahópur United gistir á Lowry-hótelinu fyrir leikinn en Pogba var hvergi sjáanlegur þegar leikmenn mættu þangað í kvöld.
Romelu Lukaku sem hefur verið fjarverandi í síðustu tveimur leikjum vegna meiðsla mætti á hótelið.
Luckhurst bendir á það að þó Pogba hafi ekki mætt á hótelið þá sé alls ekki víst að hann missi af leiknum. Jose Mourinho, stjóri United, hefur áður haldið leikmönnum frá hópnum til þess að rugla andstæðinginn í ríminu.
Nú er bara spurningin hvort þetta sé brella hjá Mourinho eða hvort Pogba missi af þessum mikilvæga leik.
Pogba er ekki í líklegu byrjunarliði Manchester Evening News.
Líklegt byrjunarlið Man Utd (að mati MEN): De Gea; Young, Smalling, Lindelof, Shaw; Herrera, Matic, Fred; Lingard, Sanchez, Martial.
Completely possible Pogba is kept separate from the squad (a la Rashford at Chelsea last year) as part of a ruse to confuse City. #mufc badly missed Pogba in the December derby.
— Samuel Luckhurst (@samuelluckhurst) November 10, 2018
Athugasemdir
