Alexis Sanchez (29), framherji Manchester United og Síle, vill yfirgefa Old Trafford. Innan við ár er síðan hann kom frá Arsenal. (Times)

Spænski miðjumaðurinn Juan Mata (30) er á förum frá Manchester United í sumar og mun ganga í raðir Arsenal. (TalkSport)

Bakvörðurinn Matteo Darmian (28) mun líklega yfirgefa Manchester United í janúar. Inter og Roma hafa áhuga á Ítalanum. (Sun)

Huddersfield mun reyna að fá Tom Heaton (30), markvörð Burnley, sem er búinn að missa sæti sitt á Turf Moor til Joe Hart (31). (Sun)

Líklegt er að Matthijs de Ligt (19), miðvörður Ajax og Hollands, fari til Juventus. Manchester City og Barcelona hafa áhuga á honum. (Calciomercato)

Simon Mignolet (30), markvörður Liverpool og Belgíu, er á óskalista Patrick Vieira, þjálfara Nice í Frakklandi. (Het Belang)

Liverpool neitar þeim fréttum að eigandi félagsins, John W Henry, sé opinn fyrir því að selja. (Mail)

Arsenal óttast að Danny Welbeck (27) sé frá út tímabilið vegna ökklameiðsla sem hann hlaut gegn Sporting Lissabon í Evrópudeildinni. (Mail)

Meiðsli Welbeck gætu orðið til þess að Unai Emery, stjóri Arsenal, leggi enn meiri áherslu á að fá Fílabeinsstrendinginn Nicolas Pepe (23) frá Lille. Pepe er vængmaður. (Sun)

Brasilíski framherjinn Neymar (26) þénar 900 þúsund pund á viku hjá Paris Saint-Germain. (Times)

Chelsea mun keppa við fjölda ítalskra félaga, þar á meðal Juventus, um Sandro Tonal (18), miðjumann Brescia. Stráknum hefur verið líkt við Andrea Pirlo. (Goal)

Aston Villa íhugar að selja nafnið á Villa Park. (Birmingham Mail)

Phil Jagielka (36) nær ekki að vinna sér inn sæti í Everton liðinu en hann hefur ekki spilað síðan í fyrstu umferð en þá fékk hann rautt spjald í fyrri hálfleik gegn Wolves. (Liverpool Echo)

Marokkómaðurinn Mehdi Benatia (31) hjá Juventus gæti farið frá Juventus til AC Milan í janúar. Milan vill fá hann á lánssamningi með möguleika á kaupum næsta sumar. Manchester United hefur horft til miðvarðarins. (Calciomercato)

Átján ára miðjumaður, Aidan Barlow, hefur verið færður upp í æfingar með aðalliði Manchester United. (Manchester Evening News)

Ástralinn Mathew Ryan (26) segist vera allt öðruvísi markvörður síðan hann gekk í raðir Brighton frá Valencia á síðasta ári. (The Argus)