Dortmund er í býsna góðri stöðu eftir sigur á erkifjendunum í Bayern München í skemmtilegum leik í þýsku úrvalsdeildinni í kvöld.
Það er alltaf hart barist þegar þessi lið mætast en það var Bayern sem náði forystunni í þessum leik eftir 26. mínútu. Robert Lewandowski skoraði markið.
Staðan var 1-0 í hálfleik. Snemma í seinni hálfleik jafnaði Dortmund með vítaspyrnumarki frá Marco Reus en Lewandowski var fljótur að ná forystunni aftur fyrir Bayern.
Robert Lewandowski has now scored in each of his last four Bundesliga appearances against Borussia Dortmund:
— Squawka Football (@Squawka) November 10, 2018
⚽️⚽️
⚽️
⚽️⚽️⚽️
⚽️
A familiar foe. pic.twitter.com/EHWvu6gABm
Bayern leiddi 2-1 fram á 67. mínútu en þá jafnaði Marco Reus aftur. Reus og Lewandowski í banastuði.
Dortmund náði svo forystunni í fyrsta sinn í leiknum á 73. mínútu þegar hinn sjóðheiti Paco Alcacer skoraði. Alcacer kom inn á sem varamaður og hann skoraði það sem reyndist vera sigurmarkið.
Alcacer er kominn með átta mörk í deildinni eins og Marco Reus.
Lewandowski taldi sig hafa jafnað metin á 95. mínútu þegar hann kom boltanum í netið en hann var dæmdur rangstæður. Lokatölur 3-2 í þessum frábæra leik.
What. A. Game. @bvb defeat Bayern, 3-2. Deservedly so, despite that last minute back heel flick from Lewandowski (correctly ruled offside).
— Gabriele Marcotti (@Marcotti) November 10, 2018
Bayern are now SEVEN points back in third place. And they could be fifth by this time tomorrow...
Hvað þýða þessi úrslit?
Dortmund er á toppi deildarinnar og er að spila mjög vel undir stjórn Lucien Favre. Eftir þennan sigur er Dortmund með sjö stiga forskot á Bayern sem er í þriðja sæti.
Bayern gæti fallið niður í fimmta sætið á morgun.
Úrslit dagsins:
Hoffenheim 2 - 1 Augsburg
Werder Bremen 1 - 3 Borussia Mönchengladbach
Freiburg 1 - 3 Mainz
Fortuna Dusseldorf 4 - 1 Hertha Berlín
Nurnberg 0 - 2 Stuttgart
Dortmund 3 - 2 Bayern
Athugasemdir