Byrjunin hjá Henry hefur verið skelfileg og er liðið búið að tapa þremur og gera tvö jafntefli undir hans stjórn.

Síðasti leikur var á heimavelli gegn Club Brugge í riðlakeppni Meistaradeildarinnar. Gestirnir frá Belgíu gerðu sér lítið fyrir og skoruðu fjögur í Mónakó og unnu 0-4.

Arsene Wenger er maðurinn sem gerði Henry að stórstjörnu á sínum tíma og segist hann hafa trú á sínum fyrrverandi lærisveini.

„Það sem skiptir máli er að þetta mun ganga upp hjá honum ef hann fær þann tíma sem hann þarf. Ég hef trú á honum," sagði Wenger þegar hann var spurður út í framtíð Henry hjá Mónakó.

Mónakó er í næstneðsta sæti frönsku deildarinnar, með sjö stig eftir tólf umferðir.