Félög á Ítalíu bönnuðu leikmönnum sínum að fara í landsliðsverkefni og heilbrigðiseftirlitið á Ítalíu skipaði leikmönnum að vera áfram í búbblu hjá sínu liði eftir að nokkrir leikmenn greindust jákvæðir fyrir Covid-19.

Sumir hafa hins vegar kosið að brjóta reglurnar og fara og spila þessa gífurlega mikilvægu leiki sem framundan eru.

Serbneska knattspyrnusambandið segir að það styðji við bakið á sínum strákum. Það geti ekki valdið þeim vandræðum því FIFA og UEFA hafa veitt leikmönnunum leyfi til þess að mæta í landsliðsverkefni.

„Við munum borga sektina ef nauðsyn krefur," segir Serbneska knattspyrnusambandið.