Margir leikmenn verða fjarverandi hjá Dönum í komandi landsleikjahléi vegna Covid-19. Mörgum leikmönnum víðsvegar um heiminn er bannað að mæta í landsleikina sem eru framundan og eru Danir að lenda illa í því.
Liðið mætir Svíþjóð í æfingaleik á morgun, Íslandi í Þjóðadeildinni á sunnudaginn og svo Belgíu í Þjóðadeildinni á miðvikudaginn í næstu viku.
Robert Skov, leikmaður Hoffenheim, greindist með veiruna og þá hefur þjálfari liðsins, Kasper Hjulmand, verið sendur í sóttkví og missir af leiknum gegn Svíþjóð og mögulega fleiri leikjum. Þá er búið að banna öllum þeim leikmönnum sem spila á Englandi að mæta í leikina.
Þar má sjá nöfn eins og Kasper Schmeichel, Jonas Lossl, Andreas Christensen, Jannik Vestergaard, Henrik Dalsgaard, Mathias Jensen og Pierre-Emile Hojbjerg.
Martin Braithwaite, leikmaður Barcelona og Yussuf Poulsen, framherjir Leipzig eru á meðal þeirra sem eru í sóttkví.
Ísland og Danmörk mætast ytra á sunnudaginn klukkan 19.45.
Athugasemdir