Írski markvörðurinn Caoimhin Kelleher hefur nú unnið fjórar vítaspyrnukeppnir með Liverpool og oftast allra markvarða í sögu félagsins en hann sló metið í sigrinum á Derby County í enska deildabikarnum í gær.
Þessi 23 ára gamli markvörður var hetja Liverpool í deildabikarnum á síðasta tímabili.
Hann stóð í rammanum í öllum leikjum liðsins og sá til þess að það færi alla leið í úrslit. Hann gerði svo gott betur en það í úrslitaleiknum og gerði sigurmarkið í vítakeppninni gegn Chelsea.
Kelleher stóð í rammanum á móti Derby County í gær. Ekkert mark var skorað í venjulegum leiktíma og því farið beint í vítakeppni en þar varði hann þrjár spyrnur og tryggði Liverpool sigur.
Þetta var fjórða vítaspyrnukeppnin sem hann vinnur með Liverpool en enginn annar markvörður í sögu félagsins hefur unnið fleiri en hann.
Ekki nóg með það þá er hann með flestar vörslur í vítakeppni fyrir félagið eða sex talsins. Ansi áhugaverð tölfræði í ljósi þess að hann hefur aðeins spilað átján leiki fyrir aðallið Liverpool.
Tonight was Caoimhín Kelleher's fourth penalty shootout win 🙌
— Liverpool FC (@LFC) November 9, 2022
That's more than any goalkeeper in our history 👏 pic.twitter.com/IkNte7fU9v
Athugasemdir