Helgin byrjar á morgun þegar Lazio tekur á móti C-deildarliði Novara. Næsti leikur þar á eftir er afar spennandi, þegar Sampdoria tekur á móti AC Milan.

Ítalíumeistarar Juventus, sem hafa unnið bikarinn síðustu fjögur ár, heimsækja Bologna í síðasta leik laugardagsins.

Torino fær Fiorentina í heimsókn á sunnudaginn áður en Inter tekur á móti Benevento sem féll úr efstu deild í fyrra.

Sunnudeginum lýkur á afar áhugaverðri viðureign Napoli og Sassuolo.

Cagliari tekur á móti Atalanta á mánudaginn og Roma mætir Virtus Entella, sem leikur í C-deildinni, í síðasta leik umferðarinnar.

Laugardagur:
14:00 Lazio - Novara
17:00 Sampdoria - Milan
19:45 Bologna - Juventus

Sunnudagur:
14:00 Torino - Fiorentina
17:00 Inter - Benevento
19:45 Napoli - Sassuolo

Mánudagur:
16:30 Cagliari - Atalanta
20:00 Roma - Virtus Entella