fös 11. janúar 2019 15:41
Arnar Helgi Magnússon
Klopp og Van Dijk bestir í desember
Mynd: Getty Images
Jurgen Klopp og Virgil van Dijk hafa verið valdir bestu menn desember mánaðar í ensku úrvalsdeildinni.

Liverpool spilaði sjö leik í desember og vann þá alla. Liðið skoraði 22 mörk og fékk einungis á sig þrjú.

Virgin van Dijk hefur fengið mikið lof fyrir sína frammistöðu með Liverpool síðan að hann kom frá Southampton fyrir rúmlega ári síðan. Varnarleikur liðsins hefur batnað til muna.

Jurgen Klopp hafði betur gegn Nuno Espirito Santo, Manuel Pellegrini, Mauricio Pochettino and Maurizio Sarri.

„Þetta er frábær viðurkenning, þetta er kremið á kökuna," sagði Klopp við verðlaunaafhendinguna í dag."

„Þetta var gífurlega erfiður mánuður en sem betur fer gekk hann vel."

Mohamed Salah var í síðustu viku valinn leikmaður desember mánaðar af PFA leikmannasamtökunum en þessi verðlaun eru með öllu ótengd.



Athugasemdir
banner
banner
banner