banner
   fös 11. janúar 2019 09:37
Arnar Helgi Magnússon
Sky: Barca vill Willian og bjóða Malcom í staðinn
Mynd: Getty Images
Barcelona hefur endurvakið áhuga sinn á brasilíska kantmanninum í liði Chelsea, Willian.

Barcelona reyndi lengi vel við Willian síðasta sumar en öllum þremur tilboðunum í leikmanninn var hafnað.

Liðið snéri sér þá að öðrum Brasilíumanni, Malcom en hann kom frá Bordeaux á 38 milljónir punda. Hann hefur átt afar erfitt uppdráttar á Spáni og ekki náð að festa sig í sessi hjá liðinu.

Willian kom til Chelsea árið 2013 frá Anzhi Makhachkala en kaupverðið á honum var 30 milljónir punda. Samningur Willian við Chelsea rennur út sumarið 2020.

Barcelona er sagt búið að heyra í Chelsea og bjóða Malcom í skiptum fyrir Willian en sá brasilíski í liði Chelsea hefur skorað fjögur mörk í þrjátíu leikjum sínum á leiktíðinni.




Athugasemdir
banner
banner
banner
banner