Helgin byrjar á viðureign Rayo Vallecano og Celta Vigo sem fer fram í kvöld og eru fjórir leikir á dagskrá á morgun, laugardag.

Valencia og Villarreal eiga heimaleiki sem verða í beinni útsendingu. Valencia þarf sigur til að blanda sér í Evrópubaráttuna á meðan Villarreal verður að fá þrjú stig til að koma sér úr fallsæti.

Atletico Madrid byrjar sunnudaginn gegn þreyttu liði Levante sem sigraði Barcelona í bikarnum á fimmtudaginn.

Athletic Bilbao tekur svo á móti Sevilla, en liðin mættust í nákvæmlega sömu viðureign í bikarnum á fimmtudaginn og höfðu gestirnir betur með þremur mörkum gegn einu.

Liðin eiga eftir að mætast aftur í bikarnum á heimavelli Sevilla og eiga því þrjár innbyrðisviðureignir á einni viku.

Topplið Barcelona fær þá Eibar í heimsókn og Real Madrid heimsækir Real Betis áður en síðasti leikur 19. umferðar fer fram mánudagskvöldið.

Föstudagur:
20:00 Rayo Vallecano - Celta Vigo (Stöð 2 Sport 3)

Laugardagur:
12:00 Leganes - Huesca
15:15 Valencia - Real Valladolid (Stöð 2 Sport 3)
17:30 Girona - Alaves
19:45 Villarreal - Getafe (Stöð 2 Sport 2)

Sunnudagur:
11:00 Atletico Madrid - Levante (Stöð 2 Sport)
15:15 Athletic Bilbao - Sevilla (Stöð 2 Sport 2)
17:30 Barcelona - Eibar (Stöð 2 Sport 3)
19:45 Real Betis - Real Madrid (Stöð 2 Sport 3)

Mánudagur:
20:00 Real Sociedad - Espanyol (Stöð 2 Sport 2)