David Luiz kom til Arsenal frá Chelsea síðasta sumar en hefur gert mörg mistök á tímabilinu og átt erfitt uppdráttar.

Arteta tók við Arsenal á dögunum og ræddi við Luiz um að stíga upp og vera leiðtogi í hópnum. Það hefur hann svo sannarlega gert en hann hefur ásamt vörn Arsenal haldið hreinu í tveimur leikjum af fjórum og þá var hann valinn maður leiksins í 2-0 sigrinum á Manchester United.

„Þetta er það sem ég fór fram á við hann. Hann er leikmaður sem hefur unnið fleiri titla en allir aðrir í klefanum. Við þurfum að nýta okkur það á kraftmikinn hátt," sagði Arteta.

„Ég vildi að hann myndi stíga upp. Ég vildi að hann myndi nýta öll sín gæði, bæði persónuleikann og reynsluna og koma með það inn í liðið og hann hefur stigið upp. Ég er mjög ánægður með hann," sagði Arteta í lokin.