Fótbolti.net

lau 11. janúar 2020 16:54

Sæbjörn Þór Þórbergsson Steinke

England: Öruggir sigrar Chelsea og Man Utd - Óvæntur sigur Southampton

Mynd: Getty Images

Fimm leikjum var rétt í þessu að ljúka í ensku úrvalsdeildinni. Við byrjum yfirferðina á Old Trafford.

Þar mætti Norwich í heimsókn og mætti þar Manchester United. United leiddi 1-0 í hálfleik og var það Marcus Rashford sem skoraði markið eftir fyrirgjöf Juan Mata.

United bætti við þremur mörkum í seinni hálfleik. Fyrst var það Rashford sem skoraði úr vítaspyrnu eftir að Tim Krul braut á Brandon Williams. Næst var það Anthony Martial sem skoraði skallamark eftir fyrirgjöf Juan Mata.

Það var svo varamaðurinn Mason Greenwood sem innsiglaði sigurinn þegar hann átti gott skot fyrir utan vítateig sem Tim Krul réð ekki við. Góður sigur United eftir slæmt tap gegn Arsenal í síðustu umferð og tap gegn Manchester City í deildabikarnum.

Manchester Utd 4 - 0 Norwich
1-0 Marcus Rashford ('27 )
2-0 Marcus Rashford ('52 , víti)
3-0 Anthony Martial ('54 )
4-0 Mason Greenwood ('76 )

Næst er förinni heitið á Stamford Bridge þar sem heimamenn í Chelsea tóku á móti Burnley. Það var Jorginho sem skoraði fyrsta mark leiksins þegar hann skoraði úr vítaspyrnu eftir að brotið var á WIllian inn í teig Burnley.

Tammy Abraham bætti við öðru marki Chelsea á 38. mínútu og leiddu heimamenn með tveimur mörkum í hálfleik. Það var svo Callum Hudson-Odoi sem skoraði þriðja mark Chelsea eftir undirbúning Cesar Azpilicueta á fimmtu mínútu seinni hálfleiks.

Chelsea 3 - 0 Burnley
1-0 Jorginho ('27 , víti)
2-0 Tammy Abraham ('38 )
3-0 Callum Hudson-Odoi ('50 )

Á King Power vellinum í Leicester var Southampton með sitt lið í heimsókn. Staðan var 1-1 eftir tuttugu mínútna leik. Dennis Praet kom Leicester eftir sendingu Jamie Vardy og Stuart Armstrong skoraði fyrir gestina.

Það var svo á 81. mínútu sem Southampton komst yfir. Hinn funheiti Danny Ings var þar á ferðinni og skoraði hann markið mikilvæga sem kom gestunum yfir eftir sendingu Che Adams. Fimmta mark Ings í síðustu fimm deildarleikjum. Johnny Evans virtist jafna leikinn seint í leiknum en mark hans var dæmt af eftir skoðun í VAR. Afskaplega óvænt úrslit á King Power!

Leicester City 1 - 2 Southampton
1-0 Dennis Praet ('14 )
1-1 Stuart Armstrong ('20 )
1-2 Danny Ings ('81 )

Á Molineux vellinum í Wolverhampton tóku heimamenn á móti Newcastle. Gestirnir komust yfir strax á 7. mínútu þegar Miguel Almiron skoraði eftir undirbúning Dwight Gayle.

Sjö mínútum seinna skoraði Leander Dendoncker jöfnunarmarkið eftir hornspyrnu Joao Moutinho. Fleiri urðu mörkin ekki og liðin skiptu því stigunum jafnt á heimavelli Wolves.

Wolves 1 - 1 Newcastle
0-1 Miguel Almiron ('7 )
1-1 Leander Dendoncker ('14 )

Yfirferðinni lýkur svo á Goodison Park þar sem Brighton var í heimsókn hjá Everton.

Gylfi Þór Sigurðsson var í byrjunarliði Everton og bar fyrirliðabandið í leiknum. Eitt mark var skoraði í leiknum en það var Richarlison sem skoraði markið mikilvæga fyrir heimamenn á 38. mínútu. Richarlison sneri laglega í teignum og skoraði framhjá Matty Ryan.

Nauðsynlegt að svara fyrir vandræðalegt tap gegn "varaliði" Liverpool um síðustu helgi.

Everton 1 - 0 Brighton
1-0 Richarlison ('38 )

		L	U	J	T	ms:	mf:	mun	Stig
1	Arsenal	33	23	5	5	77	26	+51	74
2	Liverpool	33	22	8	3	75	32	+43	74
3	Man City	32	22	7	3	76	32	+44	73
4	Aston Villa	34	20	6	8	71	50	+21	66
5	Tottenham	32	18	6	8	65	49	+16	60
6	Newcastle	32	15	5	12	69	52	+17	50
7	Man Utd	32	15	5	12	47	48	-1	50
8	West Ham	34	13	9	12	54	63	-9	48
9	Chelsea	31	13	8	10	61	52	+9	47
10	Brighton	32	11	11	10	52	50	+2	44
11	Wolves	33	12	7	14	46	53	-7	43
12	Fulham	34	12	6	16	50	54	-4	42
13	Bournemouth	33	11	9	13	48	60	-12	42
14	Crystal Palace	33	9	9	15	42	56	-14	36
15	Brentford	34	9	8	17	52	59	-7	35
16	Everton	33	10	8	15	34	48	-14	30
17	Nott. Forest	34	7	9	18	42	60	-18	26
18	Luton	34	6	7	21	47	75	-28	25
19	Burnley	34	5	8	21	37	69	-32	23
20	Sheffield Utd	33	3	7	23	31	88	-57	16