Ítalska félagið Lazio heldur áfram að þjarma að toppliðum Juventus og Inter en liðið vann Napoli 1-0 í kvöld.

Ciro Immobile hefur verið magnaður á þessari leiktíð en hann skoraði sigurmarkið á 82. mínútu í kvöld.

Immobile er kominn með 20 mörk í 18 deildarleikjum og er markahæsti maður deildarinnar, sex mörkum á undan Romelu Lukaku sem er með 14 mörk.

Lazio er í 3. sæti deildarinnar með 42 stig, aðeins þremur stigum minna en Juventus og Inter.