Benfica hefur þegar samþykkt lánstilboð til næstu átján mánaða frá West Ham í Fernandes en svo virðist sem áhuginn sé mikill á leikmanninum.

Samkvæmt Sky Sports er Tottenham nú komið í kapphlaupið um hann en félagið hefur lagt fram samskonar tilboð. Tottenham vill fá hann á láni í átján mánuði með möguleika á að kaupa hann.

Moussa Sissoko verður frá næstu mánuði vegna hnémeiðsla og sér Jose Mourinho fyrir sér að Fernandes leysi hann af hólmi.

Fernandes var á varamannabekknum er Benfica vann Aves 2-1 í portúgölsku deildinni í gær.