Charlton barðist hetjulega og setti smá pressu á United, en það tókst ekki hjá þeim að forðast tap.

Eftir leikinn viðurkenndi Holden það að hann vonaðist til þess núna að Man Utd myndi fara alla leið í keppninni, en hann er mikill stuðningsmaður liðsins og hefur verið ársmiðahafi á Old Trafford í gegnum tíðina.

Holden sagði jafnframt eftir leik að hann hefði átt gott 10-15 mínútna spjall við Erik ten Hag, stjóra Man Utd, fyrir fréttamannafund. Bæri hann núna enn meiri virðingu fyrir honum.

Holden er mikill Íslandsvinur. Hann spilaði með Val í efstu deild á Íslandi árið 2001 en hann var þá á láni frá Bolton.