Willy Boly gerði jöfnunamark Wolves á 95. mínútu og bjargaði þannig stigi gegn Newcastle í ensku úrvalsdeildinni í kvöld.
Fallbaráttulið Newcastle komst yfir snemma í síðari hálfleik og virtist vera að sigla sigrinum í höfn þegar Boly var mættur í sóknina og skallaði fyrirgjöf Fabian Schär í netið.
Martin Dubravka virtist hafa gert mistök í marki Newcastle en ef atvikið er skoðað í endursýningu sést að Boly leggur báða handleggina á axlir markmannsins og ýtir þeim niður, bæði til að hoppa hærra sjálfur og halda markverðinum niðri.
Rafa Benitez, stjóri Newcastle, verður eflaust spurður út í atvikið að leikslokum en félagið hefði frekar viljað þrjú stig í fallbaráttunni.
Atvikið er hægt að sjá með að smella hér.
Þetta er alveg brot, hendur utan um hálsinn pic.twitter.com/ceBvd2XbHi
— Hörður S Jónsson (@hoddi23) February 11, 2019
Athugasemdir