Á sunnudag birtum við lista yfir bestu Hollendingana en nú er komið að bestu Brasilíumönnum sem leikið hafa í ensku úrvalsdeildinni. Football365 tók þennan lista saman. Einhverjar athugasemdir? Til þess er ummælakerfið hér að neðan.
10) Lucas Leiva (Liverpool) - Var í harðri samkeppni við öfluga miðjumenn Liverpool en var í miklum metum hjá félaginu.
9) David Luiz (Chelsea og Arsenal) - Á það til að taka glórulausar ákvarðanir en ferillinn talar sínu máli.
8) Willian (Chelsea) - Illviðráðanlegur þegar hann er í stuði.
7) Alisson (Liverpool) - Alveg ljóst að hann verður mun hærra á þessum lista á komandi árum.
6) Philippe Coutinho (Liverpool) - Átti afar blómlegan feril hjá Liverpool þó hlutirnir hafa ekki gengið upp hjá honum síðan hann yfirgaf Anfield.
5) Ederson (Manchester City) - Markvarðarstaðan var vandamál hjá City áður en Ederson mætti. Púslið sem vantaði.
4) Juninho (Middlesbrough) - Alvöru keppnismaður sem bjó yfir skemmtilegri tækni. Algjör goðsögn hjá Middlesbrough.
3) Gilberto Silva (Arsenal) - Vann gríðarlega mikilvæga vinnu á miðjunni á meðan snillingarnir í sókninni voru í sviðsljósinu.
2) Roberto Firmino (Liverpool) - Lykilhlekkur í velgengni Liverpool og smellpassar inn í hugmyndafræði Jurgen Klopp.
1) Fernandinho (Manchester City) - Hefur reynst City ótrúlega vel og getur leyst nánast allar stöður aftarlega á vellinum. Hefur átt rosalegan feril í Manchester.
Athugasemdir
