Jerome Boateng, leikmaður þýska meistaraliðsins Bayern München, verður ekki með liðinu í úrslitaleik HM félagsliða í dag vegna andláts fyrrverandi kærustu hans.
Kasia Lenhardt, sem var 25 ára gömul, fannst látin á heimili sínu í Berlín í gær en ekkert saknæmt er talið hafa átt sér stað. Talið er að hún hafi framið sjálfsvíg.
Hún var fyrrverandi kærasta Boateng en þau slitu sambandi sínu í upphafi mánaðarins.
Boateng verður ekki með Bayern í úrslitaleik HM félagsliða í dag og er farinn aftur til Þýskalands.
Bayern mætir Tigres í úrslitaleiknum en liðið vann Al Ahly 2-0 í undanúrslitum mótsins.
Athugasemdir