Það eru nokkrir leikir á dagskrá í 16-liða úrslitum Evrópudeildarinnar í kvöld og er Björn Bergmann Sigurðarson í byrjunarliði Molde.
Molde heimsækir Granada til Spánar og fær Björn Bergmann tækifæri í sínum þriðja keppnisleik fyrir sitt nýja félag.
Björn Bergmann fékk lítinn sem engan spiltíma hjá Lilleström í fyrra en er nú kominn til Molde. Hann var í byrjunarliðinu í báðum leikjum liðsins gegn Hoffenheim í 32-liða úrslitum. Þar hafði Molde betur, 5-3 samanlagt.
Björn er aftur í byrjunarliðinu í kvöld og á erfitt verkefni fyrir höndum sér. Hann leiðir sóknarlínu Molde.
Molde: Linde, Pedersen, Sinyan, Gregersen, Haugen, Hestad, Aursnes, Ellingsen, Eikrem, Ulland-Andersen, Björn Bergmann Sigurðarson
Athugasemdir