Brighton er í 17. sæti ensku úrvalsdeildarinnar, með jafnmörg stig og Fulham sem er í 18. sæti. Lærisveinar Graham Potter eiga þó leik til góða en þeir eru í stórhættu á að falla ef þeir fara ekki að nýta færin sín betur.

Brighton er búið að skora 27 mörk í 28 deildarleikjum á tímabilinu. Samkvæmt tölfræðinni ætti liðið hins vegar að vera búið að skora mun fleiri mörk.

Saga Brighton á tímabilinu hefur verið að liðið er með hærra XG í flestum leikjum sínum en nær ekki að nýta færi nægilega vel.

Til að skýra xG á einfaldan hátt, þá mælir það hversu líklegt það er að lið skori miðað við gæði marktækifæris. Þú getur fengið xG á bilinu 0-1 fyrir hvert færi sem þú færð, miðað við hversu líklegt er að þú skorir úr færinu.

The xG Philosophy á Twitter birtir myndband af færum sem Brighton hefur klúðrað á tímabilinu. Það myndband má sjá hér að neðan.