Tveir leikir fóru fram í danska bikarnum í dag og kom einn Íslendingur við sögu.
Jón Dagur Þorsteinsson var í byrjunarliði AGF sem tapaði óvænt á útivelli gegn C-deildarliðinu B.93. Það gerir þó lítið til í ljósi þess að AGF vann fyrri leikinn örugglega á útivelli.
Jón Dagur spilaði fyrsta klukkutímann og var svo skipt útaf fyrir Kevin Diks sem gerði jöfnunarmark Árósa.
Ísak Óli Ólafsson var þá ekki í leikmannahópi SönderjyskE sem vann auðveldan sigur gegn Fremad Amager.
B.93 2 - 1 AGF (3-4 samanlagt)
1-0 J. Erenbjerg ('4)
1-1 K. Diks ('80)
2-1 B. Lund ('92)
SönderjyskE 4 - 1 Fremad Amager (6-2 samanlagt)
Theódór Elmar Bjarnason var þá ónotaður varamaður er Lamia tók á móti AEL Larissa í gríska boltanum.
Elmar er leikmaður Lamia og sat á bekknum er liðsfélagarnir unnu 2-1 gegn Larissa.
Lamia er í fallbaráttunni, með 22 stig eftir 25 umferðir. Larissa vermir botnsætið með 16 stig.
Lamia 2 - 1 Larissa
1-0 D. Adejo ('34)
1-1 M. Epassy ('45, sjálfsmark)
2-1 M. Deletic ('88)
Athugasemdir