Senegalinn Koulibaly á Old Trafford?
Nokkrir fjölmiðlar á Ítalíu segja að Manchester United sé tilbúið að gera miðvörðinn Kalidou Koulibaly að dýrasta varnarmanni sögunnar.
Ole Gunnar Solskjær, stjóri United, veit að hann þarf að hrista upp í varnarleiknum ef hann ætlar að ná Manchester United aftur á toppinn í enska og evrópska fótboltanum.
United hefur lengi verið orðað við Koulibaly hjá Napoli og einnig við Toby Alderweireld hjá Tottenham.
Ole Gunnar Solskjær, stjóri United, veit að hann þarf að hrista upp í varnarleiknum ef hann ætlar að ná Manchester United aftur á toppinn í enska og evrópska fótboltanum.
United hefur lengi verið orðað við Koulibaly hjá Napoli og einnig við Toby Alderweireld hjá Tottenham.
Sagt er að United hafi gert 90 milljóna punda tilboð í hinn 27 ára Koulibaly. Virgil van Dijk hjá Liverpool er dýrasti varnarmaður heims í dag en Liverpool borgaði 75 milljónir punda fyrir þjónustu hans.
Aurelio de Laurentiis, forseti Napoli, viðurkenndi fyrr á tímabilinu að hann hefði hafnað stóru tilboði í Koulibaly síðasta sumar.
Koulibaly, sem er senegalskur, sagði nýlega að hann væri stoltur af áhuga annarra liða en hann einbeiti sér að því að sýna á vellinum að hann sé í hæsta styrkleikaflokki.
Þá segir The Sun að United sé tilbúið að virkja 25 milljóna punda riftunarákvæði í samningi Alderweireld við Tottenham.
United er í sjötta sæti ensku úrvalsdeildarinnar og tapaði 0-1 fyrir Barcelona í fyrri leik liðanna í 8-liða úrslitum Meistaradeildarinnar í gær.
Athugasemdir
