Jens Lehmann, fyrrum markvörður Arsenal og þýska landsliðsins, var í gær ráðinn í stjórnarstöðu hjá þýska félaginu Herthu Berlín en hann tekur við stöðunni af Jürgen Klinsmann.
Klinsmann, sem var sérstakur ráðgjafi hjá Berlínarliðinu, ákvað að taka tímabundið við liðinu í nóvember en sagði svo upp störfum 76 dögum síðar.
Það fór illa í eigendur félagsins og hefur hann því misst stöðu sína í stjórn félagsins.
Lehmann tekur við stöðunni af honum en hann er afar spenntur fyrir nýja verkefninu.
Hertha Berlín mætir Hoffenheim í þýsku deildinni næstu helgi en þýska deildin er fyrsta stóra deildin sem fer af stað eftir kórónaveirufaraldurinn.
Athugasemdir