Ítalska félagið Roma gæti boðið enska félaginu Everton að fá hollenska vængmanninn Justin Kluivert í skiptum fyrir Moise Kean en þetta kemur fram á Calciomercato í dag.
Kean, sem er 20 ára gamall, gekk til liðs við Everton síðasta sumar á 27,5 milljónir punda frá Juventus en hefur aðeins skorað eitt mark og lagt upp tvö í 26 leikjum.
Hann gæti verið á leið aftur til Ítalíu en Napoli og AC Milan eru afar áhugasöm um leikmanninn.
Samkvæmt Calciomercato þá vill Roma bjóða Everton að fá Justin Kluivert í skiptum.
Kluivert hefur skorað 7 mörk í 27 leikjum með Roma á þessari leiktíð.
Talið er að Everton vilji losa sig við Kean eftir að hann braut reglur í samkomubanni með því að halda teiti heima hjá sér.
Athugasemdir