Skoski vinstri bakvörðurinn Kieran Tierney segist hafa lært mikið af Mikel Arteta, stjóra Arsenal og getur hann ekki beðið eftir að komast aftur á völlinn.
Tierney gekk til liðs við Arsenal frá Celtic síðast sumar en hann meiddist rétt áður en Arteta tók við í desember.
Hann hefur aðeins byrjað fjóra leiki á leiktíðinni en hann hefur þó lært mikið af Arteta.
„Ég hef horft á alla vídeófundina hjá Arteta. Það hafa verið fundir saman sem lið fyrir leiki og eftir leiki og það er magnað hvernig hann rýnir í leikinn," sagði Tierney.
„Þegar ég var í Dúbaí í vetrafrínu þá var ég að vinna með honum 1 á 1 og þá fattaði hvað hann er mikill snillingur. Ég var að læra fullt af honum í endurhæfingu."
„Hann veit nákvæmlega hvað er að fara að gerast í leiknum og hvernig það mun gerast og hvað maður á að gera í þeirri stöðu, hvaðan pressan kemur og hverjir möguleikarnir eru," sagði Tierney.
Athugasemdir