Jesus á ár eftir af samningi sínum við City en vildi ekki tjá sig um framtíð sína í síðasta mánuði.

„Við ræddum við Arsenal um Gabriel Jesus. Við erum hrifnir af því verkefni sem þar er í gangi og þetta er möguleiki sem við erum að skoða. Það eru sex önnur félög sem hafa áhuga en hans einbeiting er á lokaleikina með Man City," segir umboðsmaðurinn Marcelo Pettinati.

Jesus hefur verið hjá City síðan 2017 og skipti til Arsenal gætu hentað báðum aðilum vel. Samningar sóknarmannana Alexandre Lacazette og Eddie Nketiah renna út í sumar.

Jesus hefur byrjað 19 af úrvalsdeildarleikjum City á tímabilinu og skorað átta mörk. Hann byrjaði báða undanúrslitaleikina gegn Real Madrid í Meistaradeildinni en hafði verið notaður sparlega fram að því.