Benfica og Liverpool eru nálægt því að ná saman um kaup og sölu á úrúgvæska framherjanum Darwin Nunez en það er hinn afar virti blaðamaður, Paul Joyce, sem segir frá þessu í dag.
Félögin hafa rætt um Nunez síðustu daga en Julian Ward, yfirmaður íþróttamála hjá Liverpool, er í Portúgal og sér um viðræður enska félagsins.
Benfica hefur sett 85 milljón punda verðmiða á Nunez og vill félagið þá fá 68 milljónir punda og svo bónusgreiðslur ofan á það.
Liverpool er reiðubúið að greiða 60 milljónir punda plús bónusgreiðslur en viðræður eru á lokastigi samkvæmt Joyce.
Ítalski blaðamaðurinn Fabrizio Romano hefur þegar smellt orðunum „Here We Go," á þessi félagaskipti og segir félögin hafa náð munnlegu samkomulagi um Nunez.
Greinir hann þá frá því að Nunez gæti flogið til Englands á mánudaginn og gengist þá undir læknisskoðun hjá Liverpool áður en hann skrifar undir fimm ára samning.
Nunez verður dýrasti leikmaðurinn í sögu Liverpool en næstur á eftir honum kemur Virgil van Dijk sem var keyptur fyrir 75 milljónir punda fyrir rúmum fjórum árum síðan.
Julian Ward, Liverpool director of football, in Portugal to try and close deal for Darwin Nunez. https://t.co/M7UDAiLrL2
— paul joyce (@_pauljoyce) June 11, 2022
Athugasemdir