Todor Nedelev, miðjumaður búlgarska landsliðsins, fékk alvarlega höfuðáverka á ferðalagi liðsins til að spila við Georgíu í ÞJóðadeildinni.
Nedelev var sá eini sem meiddist þegar landsliðsrúta Búlgaríu lenti í umferðarslysi sem hefur verið lýst sem 'alvarlegu' slysi.
Nedelev fékk mikla áverka á höfuðkúpu og þurfti að fara beint í minniháttar aðgerð eftir slysið.
Á meðan slysið verður rannsakað halda landslið Búlgaríu og Georgíu áfram að gera sig klár fyrir sunnudagsslaginn sín á milli.
Nedelev, kantmaður með 44 landsleiki að baki, er enn undir læknaeftirliti og verður ekki með í leiknum á morgun.
Athugasemdir
