„Við búumst við erfiðum leik. Þetta er gott lið. Ég þekki þá frekar vel og veit hvað þeir geta og hvernig bolta þeir spila," segir Birkir Már Sævarsson, varnarmaður Vals, um leik liðsins gegn Rosenborg í Meistaradeildinni í kvöld klukkan 20:00.
„Við þurfum fyrst og fremst allir að eiga toppleik. Við þurfum að spila okkar fótbolta og vera solid varnarlega."
Birkir spilaði sjálfur lengi með Brann í Noregi og þekkir því vel hversu stórt lið Rosenborg er.
„Peningurinn og allt í kringum liðið gerir þetta að stærsta liðinu í skandinavískum fótbolta eða allavega topp þrír."
Á meðal leikmanna Rosenborg er Nicklas Bendtner, fyrrum framherji Arsenal.
„Við höfum ekkert farið sérstaklega í neina leikmenn frekar en aðra. Við tókum videofund um Rosenborg og vitum vel hvað við erum að fara út í. Allir leikmennirnir í liðinu eru góðir fótboltamenn og einhverjir af þeim eiga landsleiki."
Hér að ofan má sjá viðtalið í heild sinni.
Miðasala á leikinn fer fram hér.
Athugasemdir