„Við erum frekar súrar, við vildum þrjú stig, ná í fyrsta heimasigurinn í sumar en það tókst því miður ekki þannig að við erum svona pínu súrar." sagði Andri Hjörvar Albertsson þjálfari Þór/KA eftir 1-1 jafntefli gegn ÍBV í dag.
Lestu um leikinn: Þór/KA 1 - 1 ÍBV
Hvað lagðir þú upp með fyrir leikinn?
„Bara vera aggressive og þora að gera hlutina, sækja vel á þær og reyna ná yfirhöndinni strax í byrjun, láta þær vita að við værum komnar til að afgreiða málin, það gekk svona la la en niðurstaðan jafntefli, við hefðum viljað meira."
Andra fannst Colleen Kennedy markaskorari liðsins vera orðin ansi þreytt, þess vegna hafi hann tekið hana af velli á 63. mínútu.
„Bara þreyta. Þetta er leikmaður sem hleypur alveg á milljón í langan tíma, hún er búin að gera það í síðustu tveimur leikjum, okkur fannst við sjá þreytumerki á henni þannig að þetta var smá taktík að fá ferskar fætur inná."
Andri tekur stiginu þó svo hann hefði viljað stigin þrjú.
„Það er erfitt að leggja mat á þetta, stig er stig og lið ættu oft að vera sátt með stig í þessari deild því hvert stig er dýrmætt en þrjú stig hefðu verið svakalega góð hér í dag, hefðum farið uppfyrir ÍBV til dæmis og hleypt ennþá meira lífi í þessa skemmtilegu deild"
Athugasemdir
