Leikurinn fór alla leið í vítaspyrnukeppni og þar höfðu Ítalir betur.

Gareth Southgate tók tvöfalda skiptingu undir lok framlengingarinnar. Marcus Rashford og Jadon Sancho komu inn á til að taka vítaspyrnur. Þeir fóru báðir á punktinn í vítaspyrnukeppninni en klúðruðu báðir.

Jorginho gat tryggt sigur Ítalíu en Jordan Pickford varði frá honum. Það var mikil ábyrgð sett á herðar hins unga Bukayo Saka sem tók fimmtu og síðustu spyrnu Englands. Gianluigi Donnarumma varði frá honum og var hetja Ítalíu.

Það voru auðvitað miklar tilfinningar í spilinu eftir leik en hér að neðan má sjá myndir frá EPA sem voru teknar eftir leik.