Kieran Trippier mun koma inn í byrjunarlið Englands fyrir leikinn gegn Ítalíu í kvöld. Hann leysir Bukayo Saka af hólmi. Það er Telegraph sem segir frá þessu.
Gareth Southgate byrjaði mótið með að spila 4-3-3 en fór svo yfir í þriggja manna vörn gegn Þjóðverjum.
Hann breytti aftur yfir í 4-3-3 í 8-liða úrslitunum gegn Úkraínu en mun nú notast við þriggja manna vörn aftur í úrslitunum gegn Ítalíu.
Telegraph segir að Trippier komi inn í liðið fyrir Bukayo Saka.
Trippier spilaði vinstri bakvörð á móti Króatíu en var ekki með gegn Tékkum og Skotum. Southgate setti hann svo inn í liðið á móti Þjóðverjum og þá kom hann inná gegn Úkraínu og Dönum.
Sky Sports tekur undir þessar fréttir Telegraph og birtir byrjunarliðið fyrir kvöldið.
Byrjunarliði samkvæmt Sky: Pickford, Shaw, Walker, Stones, Maguire, Trippier, Rice, Phillips, Mount, Kane, Sterling
Athugasemdir