Það var Íslendingaslagur í úrvalsdeildinni í Færeyjum í kvöld þegar NSÍ Runavík tók á móti HB frá Þórshöfn.
Guðjón Þórðarson og Heimir Guðjónsson voru að mætast, en þeir eru þjálfarar þessara liða.
Gestirnir í HB komust yfir rétt fyrir leikhlé og var staðan 1-0 hálfleik. NSÍ gafst ekki upp og virkaði hálfleiksræða Guðjóns vel. NSÍ jafnaði á 77. mínútu.
HB spilaði einum færri síðustu 10 mínúturnar eftir að Sebastian Pingel fékk að líta rauða spjaldið - sitt annað gula spjald. NSÍ náði ekki að nýta sér liðsmuninn enda tíminn skammur. Lokatölur voru 1-1 í þessum Íslendingaslag. Þegar liðin mættust í mars í deildinni var niðurstaðan einnig 1-1 jafntefli.
Brynjar Hlöðversson lék ekki með HB í leiknum, hann var í leikbanni.
NSÍ er þriðja sæti með 36 stig, HB er með stigi minna í fjórða sæti. NSÍ á tvo leiki til góða á HB, sem er ríkjandi meistari í Færeyjum.
Athugasemdir