Óli Stefán bjó sína menn undir stríð í dag.
„Ótrúlega stoltur af strákunum. Eftir niðurlæginguna á fimmtudaginn þá var ekkert annað að gera en að svara fyrir sig og við lögðum leikinn þannig upp að við værum að fara í stríð. Við lögðum það þannig upp að við vildum bara stríðsmenn inná í dag, við þurftum ekki dansara,'' sagði Óli Stefán Flóventsson, þjálfari KA eftir 4-2 sigur á Stjörnumönnum í Pepsi Max deild karla í dag.
Lestu um leikinn: KA 4 - 2 Stjarnan
KA menn hefðu getað bætt við mörkum í síðari hálfleik og aðspurður útí færanýtinguna sagði Óli Stefán: „Þegar maður er í aðstöðu eins og KA er í og höfum verið að ströggla aðeins. Þá er það kannski eðlilegt, við erum ekki með neinn hroka. Við tökum fjögur mörk en erum kannski svekktari með að hafa fengið þessi tvö mörk á okkur.''
„Nú undirbúum við okkur bara fyrir næsta verkefni. Við erum að fara í gríðarlega erfiðan leik úti í Vestmannaeyjum. En við tökum þetta aðeins inn og njótum í dag og á morgun byrjar bara ný vinnuvika. Nýr dagur og undirbúningur fyrir erfitt lið. ''
Viðtalið má sjá í heild sinni hér að ofan.
Athugasemdir
