„Ég vil óska HK til hamingju með frábæran leik. Þetta var fyllilega verðskuldað," sagði Rúnar Kristinsson, þjálfari KR, eftir 4-1 tap liðsins gegn HK í Kórnum í kvöld.
Upphafskafli leiksins var ótrúlegur en HK var 3-0 yfir eftir einungis tuttugu mínútur.
Upphafskafli leiksins var ótrúlegur en HK var 3-0 yfir eftir einungis tuttugu mínútur.
Lestu um leikinn: HK 4 - 1 KR
„Það var erfitt að fá þessi mörk í andlitið. Að sama skapi sér maður að það voru leikmenn í liðinu á hælunum sem voru að bíða eftir að aðrir myndu redda þeirra eigin skinni í staðinn fyrir að vinna sína vinnu. Svona leikir koma. Sem betur fer gerist það ekki oft hjá okkur en það varð okkur illilega að falli í þetta sinn."
KR er ennþá með sjö stiga forskot á toppnum en þetta var fyrsta deildartap liðsins síðan 16. maí.
„VIð fengum skell. Stundum er betra að tapa almennilega 4-1 heldur en að tapa með einu marki og vera hundfúll að leita að afsökunum. Við þurfum að girða okkur í brók og lyfta okkur aðeins upp aftur. Við þurfum að taka það góða sem við höfum gert á þessu ári. Við erum með gott lið og góða stöðu í deildinni og núna þurfum við að horfa fram á veginn og stefna á að komast í úrslit í bikarnum."
Hér að ofan má sjá viðtalið við Rúnar í heild sinni en þar tjáir hann sig meðal annars um taktík KR, meiðsli Arnþórs Inga Kristinssonar og um bikarleikinn sem er framundan gegn FH.
Athugasemdir